ໃນກິດຈະກໍາ ການຝຶກອົບຮົມນວດຝາເທົ້າ ເປັນໂຄງການຊ່ວຍເຫຼືອຄົນພິການຕາໃຫ້ມີທັກສະ, ຄວາມສາມາດໃນການນວດເພີ່ມຂື້ນ, ເພື່ອສົ່ງເສີມທາງດ້ານວິຊາຊີບໃຫ້ແກ່ຄົນພິການຕາໃຫ້ໄດ້ຮັບໂອກາດມີວຽກເຮັດງານທຳ ແລະ ມີສ່ວນຮ່ວມໃນສັງຄົມ, ມີລາຍຮັບ ສາມາດລ້ຽງກຸ້ມຕົນເອງ, ລຸດຜົນອອກຈາກການເປັນພາລະຂອງຄອບຄົວ ແລະ ສັງຄົມ.
ສູນບໍລິການຄົນພິການໄດ້ເນັ້ນໜັກ, ລົງເລີກໃນດ້ານວິຊາການ, ພັດທະນາການນວດໃຫ້ເພີ່ມຂື້ນ, ເປີດກ້ວາງຫຼັກສູດການນວດຝາເທົ້າ, ແລກປ່ຽນວິທີການນວດແບບເກົ່າ ແລະ ແບບໃຫມ່. ຫຼັງຈາກສິນສຸດການຝຶກອົບຮົມສູນບໍລິການຄົນພິການໄດ້ມອບໃບຢັງຢືນໃຫ້ກັບຊະມາຊິກຄົນພິການຕາ.
ສະມາຊິກຄົນພິການຕາໄດ້ຮຽນຮູ້ທັກສະການນວດຝາເທົ້າ ແລະ ສາມາດນໍາໃຊ້ໃນການປະກອບວິຊາຊີບ ເພີ່ມພູນການບໍລິການລູກຄ້າ.
ບັນດາສະມາຊິກຄົນພິການຕາທີ່ໄດ້ເຂົ້າຝຶກອົບຮົມໄດ້ມີຄວາມກະຕືລືລົ້ນ, ຫ້າວຫັນ ໃນການຝຶກອົບຮົມເພື່ອພັດທະນາຕົນເອງ, ຊອກຫາຊ່ອງທາງໃນການປະກອບວິຊາຊີບ ເພື່ອໃຫ້ມີຊິວິດທີ່ດີຂື້ນ ໂດຍມີລາຍໄດ້ທີ່ພຽງພໍ.
ເວລາໃນການຝຶກອົບຮົມຍັງສັ້ນ, ອຸປະກອນທີ່ໃຊ້ໃນການຝຶກອົບຮົມຍັງບໍ່ພຽງພໍ, ປື້ມອັກສອນເບວ, ອັກສອນຕົວໃຫຍ່ ຍັງບໍ່ມີສໍາລັບຜູ້ເຂົ້າຝຶກອົບຮົມ. ໃນດ້ານງົບປະມານ ແລະ ກຸ່ມເປົ້າໝາຍທີ່ຝຶກອົບຮົມຍັງມີຄວາມຈໍາກັດ ເພາະວ່າ ເປັນກຸ່ມຄົນຈໍານວນໜ້ອຍທີ່ອາໃສຢູ່ຕົວເມືອງເທົ່ານັ້ນ.
ຖ້າມີການຝຶກອົບຮົມໃນຄັ້ງຕໍ່ໄປຄວນກະກຽມ ອຸປະກອນ ແລະ ເວລາ ໃນການຝຶກໃຫ້ພຽງພໍ, ກະກຽມປື້ມຄູ່ມືໃຫ້ແທດເໝາະກັບຄົນພິການຕາເຊັ່ນ: ປື້ມອັກສອນເບວ, ປື້ມສຽງ, ປື້ມອັກສອນຕົວໃຫຍ່ສຳລັບຄົນພິການທີສາຍຕາສັ້ນ ແລະ ຄວນຂະຫຍາຍການຝຶກອົບຮົມນວດຝາເທົ້າໃຫ້ກັບຄົນພິການຕາທີ່ຢູ່ສົນນະບົດ ເພື່ອໃຫ້ໄດ້ຮັບໂອກາດຢ່າງທົ່ວເຖີງ.