ມີຫຼາກຫຼາຍສະພາບການທີ່ໄດ້ເກີດຂຶ້ນໃນເຂດເປົ້າໝາຍ ດັ່ງນັ້ນ ສະມາຄົມ ເພື່ອພັດທະນາແມ່ຍິງ ແລະ ການສຶກສາກົດໝາຍຈຶ່ງໄດ້ເລັ່ງໃສ່ສ້າງຄວາມເຂັ້ມແຂງໃຫ້ກັບອາສາສະໝັກກົດໝາຍປະຈໍາບ້ານ 30 ຄົນ ຈາກ 15 ບ້ານເປົ້າໝາຍໃນເມືອງໄຊທານີ ນະຄອນຫຼວງວຽງຈັນ ເພື່ອໃຫ້ເຂົາເຈົ້າໄດ້ໃຫ້ຄໍາປຶກສາຜູ້ຖືກໃຊ້ຄວາມຮຸນແຮງ, ແນະນໍາ, ຊ່ວຍເຫຼືອ, ສຶກສາອົບຮົມ ແລະ ເຜີຍແຜ່ກົດໝາຍໃຫ້ກັບປະຊາຊົນຢູ່ໃນແຕ່ລະບ້ານທີ່ເປັນບ້ານເປົ້າໝາຍ, ນອກຈາກນີ້ ອາສາສະໝັກກົດໝາຍປະຈໍາບ້ານຕ້ອງໄດ້ລົງເກັບກໍາຂໍ້ມູນຮ່ວມຜູ້ທີ່ຖືກໃຊ້ຄວາມຮຸນແຮງກັບທີມງານນັກກົດໝາຍທີ່ປະຈໍາຫ້ອງຄະນະຊ່ວຍເຫຼືອລ້າດ້ານກົດໝາຍບ້ານໜອງສອງຫ້ອງ, ຮຽນຮູ້ຂັ້ນຕອນ ແລະ ວິທີການຊ່ວຍເຫຼືອຜູ້ຖືກເຄາະຮ້າຍລວມທັງການໃຫ້ຄໍາປຶກສາເບື້ອງຕົ້ນແກ່ປະຊາຊົນທີ່ມາຂໍຄວາມຊ່ວຍເຫຼືອ.
