1. ກ່ຽວກັບສະພາບບັນຫາທີ່ໂຄງການຢາກຈະແກ້ໄຂ / About the problem that project want to solve.

ອີງ​ຕາມ​ຜົນສຳ​ຫຼວດ​ຂອງ​ປະຊາກອນ​ລາວ ​ປີ 2018 ປະຊາກອນ​ມີ 7,012,995 ຄົນ,​ເຂົ້າ​ມາກ​ວດ​ເລືອ​ຊອກ​ຫາ​ເຊື້ອ​ເຮ​ສ​ໄອ​ວີ ຕົວ​ເລກສະ​ສົມ 864,116 ຄົນ, ພົບ​ວ່າ​ຕິດ​ເຊື້ອ ຈຳນວນ​​ສະ​ສົມ 11,980 ຄົນ, ມີໜ້າ​ກິນ​ຍາ 5,631 ຄົນ,​ເສຍ​ຊີວິດ​ແລ້ວ 2,080 ຄົນ, ຍັງ​ເຫຼືອ 9,900 ຄົນ, ຮອດ​ປີ 2020 ຄາດ​ຄະ​ເນ ຜູ້​ຕິດ​ເຊືອຈະ​ເພີ່ມ​ຂື້ນ 12,241 ຄົນ, ປະຈຸ​ບັນ ​ເຮົາ​ບັນລຸ 90 ທີ 1 ​ໄດ້ 75%,90 ອັນ​ທີ 2 ​ໄດ້ 79% ​ແລະ 90 ທີ 3 ​ໄດ້ 81%, ຄາດໝາຍ​ວ່າ​ຮອດ​ປີ 2020 ພວກ​ເຮົາ​ຈະ​ບັນລຸ​ຍຸດ​ທະ​ສາດ 90-90-90:

• ບັນຫາ​ຂອງ​ ເຮ​ສ​ໄອ​ວີ ​ແມ່ນ​ຈະ​ພິ​ເສດ​ກວ່າ​ພະຍາດ​ອື່ນ ​ເນື່ອງ​ຈາກ​ຕ້ອງ​ໄດ້​ກິນ​ຢາທຸກ​ວັນ ກົງ​ໂມງ​ກົງ​ເວລາທຸກໆ​ມື້ ​ແລະ ຕ້ອງ​ກີ​ນຕະຫຼອດ​ຊີວິດ. ສະ​ນັ້ນ, ​ຈຶ່​​ງໄດ້​ເກີດ​ມີໂຄງການ ການ​ສ້າງຄວາມອາດສາມາດໃຫ້ແກ່ໄວຫນຸ່ມຍິງຊົນເຜົ່າເພື່ອເປັນແຮງ​ບັນດານໃຈ​ໃຫ້​ແກ້​ຜູ້​ຕິດ​ເຊື້ອ, ​​ໃຫ້​ເຂົາ​ເຈົ້າ​ຕະໜັກ ​ໃນ​ການ​ຮັກສາ​ສຸຂະພາບ ​ແລະ ການ​ດູ​ແລ​ຄົນ​ເອງ​ເປັນ​ພິ​ເສດ ​ເພື່ອ​ຫຼຸດຜ່ອນ​ການ​​ເຈັບ​ປ່ວຍ ​ແລະ ການ​ຕາຍ​ກ່ອນ​ໄວ​ອັນ​ຄວນ
• ພື້ນທີ່ຢູ່4ແຂວງພາກເໜືອ(ແຂວງ ຫລວງພະບາງ, ແຂວງ ບໍ່ແກ້ວ, ແຂວງ ຫລວງນ້ຳທາ, ແຂວງ ຫົວພັນ) ສະຖານທີ່ເຮັດກິດຈະກໍາ ແມ່ນໄດ້ຈັດຕັ້ງປະຕິບັດຢູ່ ສູນເອອາວີປະຈໍາແຕ່ລະແຂວງ
• ໄລຍະເວລາ 1ປີ ( 01/07/2018 ຫາ 30/06/2019)

2. ໂຄງການໄດ້ເຮັດຫຍັງແດ່ເພື່ອແກ້ໄຂບັນຫາ / About how the project solve the problems

• ຈັດ​ກອງ​ປະຊຸມ ປືກສາ​ຫາ​ລື ​ແລະ ​ແນະນຳ​ໂຄງການ ກັບ​ຄູ່​ຮ່ວມ​ງານ ​ແລະ ກຸ່ມ​ເປົ້າ​ໝາຍ
• ອົບຮົມ​ທັກ​ສະ​ຄວາມ​ສາ​ມາດ​ໃຫ້​ຊຸມ​ຊົນ​ກຸ່ມ​ເປົ້າ​ໝາຍ​ໃນ​ດ້ານ ທັກສະການສື່ສານກັບສາທາລະນະຊົນ ແລະ ທັກສະການເປັນນັກເກັບກຳຂໍ້ມູນທີ່ດີ
• ການ​ສ້າງ​ເວທີ ສົນທະນາ​ແລກປ່ຽນ​ບົດຮຽນການ​ດຳລົງ​ຊີ​ວິດປະຈຳ​ວັນ​​ເຊີ່ງ​ກັນ ​ແລະ ກັນ ​ໂດຍ​ສະ​ເພາະ​ໜຸ່ມ​ສາວ​ຊົນ​ເຜົ່າ ​ໄຕ​ມາດລະ​ຄັ້ງ
• ກຳນົດ​ຮູບ​ແບບ​ກິດຈະກຳ​ຮ່ວມ​ກັນ​

3. ຜົນສຳເລັດຂອງໂຄງການ / Results of the project

• ໄດ້ມີ​ຂໍ້​ມູ​ນເລື່ອງ​ລາວ​ຊີວິດ​ຈິງ ຂອງ​ຜູ້​ຕິດ​ເຊື້ອ ​ແລະ ຄອບຄົວ ລວມທັງ​ຊຸມ​ຊົນ​ຂອງ​ເຂົາ​ເຈົ້າ​ນຳ
• ໄດ້ມີການຜະລິດສື່ຈາກເລື່ອງລາວຊີວິດຈິງອອກສູ່ສາຍຕາປະຊາຊົນເຊັ່ນ: ຄຣິບວີ​ດີ​ໂອ, ປື້​ມບົດ​ເລື່ອງ
• ນຳ​ເອົາ​ບົດຮຽນ​ທີ່​ເຮັດແລ້ວ​ໄດ້​ຮັບ​ຜົນ​ດີນັ້ນ​ມາ​ຜັນ​ຂະຫຍາຍ ​ໃນຄອບຄົວ, ​ຊຸມ​ຊົນ ​ແລະ ສັງຄົມ
• ສ້າງ​ອາສາ​ສະ​ໜັກ​ປະຈຳ​ກຸ່ມ/ໝູ່​ບ້ານ ​ເພື່ອ​ເປັນ​ຂົວ​ຕໍ່​ປະສານ​ງານ​ກັບ​ສະມາຊິກ​ໃນ​ຊຸມ​ຊົນ
• ໄດ້ຈັດກອງປະຊຸມ ສະຫຼຸບໂຄງການສ້າງຄວາມອາດສາມາດໃຫ້ກຸ່ມຜູ້ຕິດເຊື້ອ ເຮສໄອວີ/ເອດ ທີ່ແຂວງ ຫຼວງພະບາງ ວັນທີ 09 ກໍລະກົດ 2019

4. ປັດໄຈສູ່ຜົນສຳເລັດ / Factors of success

• ຊຸມ​ຊົນ ​ແລະ ກຸ່ມ​ເປົ້າ​ໝາຍ​ໄດ້​ມີ​ສ່ວນ​ຮ່ວມ​ແຕ່​ຕົ້ນ,​ໂດຍ​ສະ​ເພາະ​ແມ່ນຊຸມ​ຊົນ​ກຳນົດ​ບັນຫາ​ໄດ້​ຢ່າງ​ຈະ​ແຈ້ງ
• ນັກ​ບັນ​ທືກ/ນັກ​ກິດຈະກຳ​ມີຄວາມ​ເຂົ້າ​ໃຈຄວາມ​ເປັນ​ຊຸມ​ຊົນ ​ແລະ ຄວາມ​ຕ້ອງການ​ທີ່​ແທ້​ຈີ​ງຂອງ​ກຸ່ມ​ເປົ້າ​ໝາຍ, ​ເຂົ້າ​ເຖີງ-​ເຂົ້າ​ໃຈ
• ໄດ້​ເອົາ​ຊຸມ​ຊົນ​ກຸ່ມ​ເປົ້າ​ໜາຍ​ເປັນ​ຈຸດ​ໃຈກາງ​ໃນ​ການ​ຮຽນ​ຮູ້​ບັນຫາ
• ຊຸມ​ຊົນ​ເປັນ​ຄົນ​ຄິດ ​ແລະ ກຳນົດ​ບັນຫາ​ດ້ວຍ​ຕົວ​ຊຸມ​ຊົນ​ເອງ ຊຸມ​ຊົນ​ເປັນ​ຜູ້​ອອກ​ແບບ ​ແລະ​ຊອກ​ຫາ​ວິທີ​ທາງ​ແກ້​ໄຂ​ດ້ວຍ​ຕົວ​ເຂົາ​ເຈົ້າ​ເອງ

5. ຂໍ້ຈຳກັດທີເຮັດໃຫ້ບໍ່ສຳເລັດຜົນໄດ້ດີ / Limitations

• ທີ່ຕັງພູມມີສາດ
• ຊ່ອງວ່າງຂອງພາສາ(ພາສາປາກເວົ້າ-ພາສາຂີດຂຽນ)
• ຄວາມກ້າຫານ ແລະ ການສະແດງອອກຄຳຄິດຄຳເຫັນຍັງບໍ່ໄດ້ດີເທົ່າທີ່ຄວນ.
• ການຈຳແນກລັງກຽດຜູ້ຕິດເຊື້ອຍັງມີຫຼາຍໃນສະຖານທີ່ບໍລິການ ແລະ ຊຸມຊົນ
• ບໍ່ເຂົ້າໃຈຕໍ່ກັບພະຍາດຕິດຕໍ່ ພຕພ ແລະ ໂລກເອດເທົ່າທີ່ຄວນ
• ງົບປະມານຈຳກັດ ແລະ ໄລຍະສັ້ນ ບໍ່ສາມາດເຮັດໄດ້ຄົບ 12 ແຂວງ

6. ຂໍ້ແນະນຳສຳລັບຜູ້ທີ່ສົນໃຈຢາກທົດລອງນຳໃຊ້ / Recommendations for scaling up

• ອີງຕາມການສະເໜີຂອງພາກສ່ວນຄູ່ຮ່ວມງານທີ່ກ່ຽວຂ້ອງ ແລະ ກຸ່ມຜູ້ໄດ້ຮັບຜົນກະທົບ ຢາກໃຫ້ມີເວທີ ແລກປ່ຽນບົດຮຽນໃຫ້ຄົບ 12 ແຂວງ
• ຢາກມີເວທີແລກປ່ຽນລະຫວ່າງແຂວງຕໍ່ແຂວງ, ການສ້າງເວທີແລກປ່ຽນ ຫຼື ການເຮັດການຄົ້ນຄ້ວາດ້ວຍຕົວເຂົາເຈົ້າເອງແມ່ນເປັນກິດຈະກຳໜຶ່ງທີເຮັດໃຫ້ມັນມີຄວາມຍືນຍົງ
• ຢາກໃຫ້ມີການນຳໃຊ້ເຄືອງມື GALS ໃນການຊອກຄົ້ນສາເຫດ ເພາະເຄືອງມື GALS ສາມາດນຳໃຊ້ໄດ້ຫຼາກຫຼາຍ
• ການອອກແບບກິດຈະກຳ ໃຫ້ແທດເໝາະກັບຊຸມຊົນເປົ້າໝາຍ ຄຳສັບຕ່າງໆ ພາສາປາກເວົ້າ ສື່ໂຄສະນາສັ້ນໆ ແຕ່ໄດ້ໃຈຄວາມ              

 ຂໍ້ມູນເພີ້ມຕື່ມ Tel/Fax: (+856-21) 454-445. Mobie: (856 20)56555172; 54621114. Mail: nith01aplus@gmail.com; kanhaplus@gmail.com.  Facebook HIV/aids Laos

Download PDF