ລະບົບການສຶກສາໃນລາວໄດ້ຮັບການປັບປຸງຂຶ້ນນັບມື້ຖ້າທຽບໃສ່ກັບເມື່ອກ່ອນ ແຕ່ຢ່າງນັ້ນບໍ່ໄດ້ໝາຍຄວາມວ່າສາມາດເຂົ້າເຖິງໄດ້ຢ່າງທົ່ວເຖິງໃນປະເທດລາວ ໂດຍສະເພາະແມ່ນກັບຊົນເຜົ່າທີ່ມີຂໍ້ຈໍາກັດທາງດ້ານພາສາ ແລະ ວັດທະນະທໍາ. ການປະຕິບັດການຮຽນ-ການສອນທີ່ດີ ມີຜົນຕໍ່ການພັດທະນາຂອງນັກຮຽນໃນອະນາຄົດຢູ່ໃນສັງຄົມ. ຖ້າຫາກການປະຕິບັດການສອນຂອງຄູມີປະສິດທິພາບ ນັກຮຽນເອງກໍຈະສາມາດຮັບຄວາມຮູ້ໄດ້ຢ່າງມີປະສິດທິພາບເຊັ່ນກັນ. ເມືອງໝື່ນ ແຂວງວຽງຈັນ ເປັນເມືອງທີ່ມີເຜົ່າມົ້ງຫຼາຍສົມຄວນ ສະມາຄົມເຄືອຂ່າຍເພື່ອການພັດທະນາສັງຄົມຈຶ່ງໄດ້ເຮັດບົດຄົ້ນຄວ້າເພື່ອໃຫ້ເຫັນເຖິງບັນຫາໃນການສິດສອນ ແລະ ເພື່ອແກ້ໄຂໃຫ້ກົງຈຸດ ພື້ນທີ່ເປົ້າໝາຍແມ່ນໂຮງຮຽນປະຖົມສົມບູນ 9 ໂຮງຮຽນ ຢູ່ເມືອງໝື່ນ ແຂວງວຽງຈັນ.
ຜ່ານການຈັດຕັ້ງປະຕິບັດໄດ້ເຮັດໃຫ້ພຶດຕິກໍາການສອນຂອງດີຂຶ້ນ ແລະ ສຸມໃສ່ຮັບປະກັນການຮັບເອົາເນື້ອໃນໃຈຄວາມຂອງບົດຮຽນມີປະສິດທິພາບຂອງບັນດານັກຮຽນປະຖົມສົມບູຸນ 9 ໂຮງຮຽນ ໃນເມືອງໝື່ນ ແຂວງວຽງຈັນ. ນອກຈາກນັ້ນ, ຍັງໄດ້ຊີ້ບອກສາເຫດທີ່ພາຍໃຫ້ເກີດການປະຕິບັກການຮຽນການສອນບໍ່ໄດ້ຮັບຜົນດີ ນໍາໄປສູ່ການປັງປຸງປ່ຽນແປງ.
