ຢູ່ປະເທດລາວປະຈຸບັນນີ້ແມ່ນມີຄົນພິການຈຳນວນຫຼວງຫຼາຍທີ່ຍັງພົບກັບຄວາມຫຍຸ້ງຍາກບໍ່ວ່າຈະເປັນທາງການສື່ສານ ຫຼື ວ່າການເຂົ້າເຖິງແຫຼ່ງຂໍ້ມູນຂ່າວສານຕ່າງໆ ແລະ ຄົນພິການບາງຄົນກໍ່ຍັງບໍ່ໄດ້ຮັບໂອກາດເຂົ້າເຖິງການສຶກສາ, ມັນກໍ່ມີຫຼາຍປັດໄຈທີ່ເຮັດໃຫ້ຄົນພິການເຫຼົ່ານັ້ນບໍ່ສາມາດເຂົ້າເຖິງໄດ້ເຊັ່ນ: ໂອກາດບໍ່ເອື້ອອຳນວຍ, ບ້ານຢູ່ໄກສອກຫຼີກ, ຖືກກີດກັ້ນ ເພາະບາງຄອບຄົວທີ່ມີລູກເປັນຄົນພິການຄິດວ່າໃຫ້ຮຽນໄປກໍ່ບໍ່ມີຄວາມໝາຍຫຍັງ ຈົບມາກໍ່ບໍ່ສາມາດໄປເຮັດວຽກໄດ້ຄືກັບຄົນປົກກະຕິ ແລະ ສັງຄົມກໍ່ຍັງບໍ່ໃຫ້ໂອກາດແກ່ຄົນພິການຢ່າງເຕັມສ່ວນ ຍັງຄິດວ່າຄົນພິການບໍ່ສາມາດເຮັດວຽກງານໃດໜຶ່ງໃຫ້ສຳເລັດໄດ້. ດັ່ງນັ້ນ, ພວກເຮົາໃນນາມສະມາຄົນຫູໜວກຈຶ່ງຢາກຂໍເປັນສ່ວນໜຶ່ງໃນການທີ່ຢາກຊ່ວຍເຫຼືອ ໃນການສ້າງຄວາມເຂັ້ມແຂງ ໃຫ້ຄົນພິການຫູໜວກຢູ່ໃນລາວ ໃຫ້ມີຄວາມເຂັ້ມແຂງທາງດ້ານທັກສະການສື່ສານພາສາມືເພື່ອໃຫ້ເຂົາເຈົ້າສາມາດສື່ສານກັບຄົນອ້ອມຂ້າງໄດ້ ເພື່ອເຮັດໃຫ້ການດຳລົງຊິວິດຂອງເຂົາເຈົ້າງ່າຍຂຶ້ນ ແລະ ເຮັດໃຫ້ຄົນພິການຫູ ຮູ້ວ່າພວກເຂົາເຈົ້າບໍ່ໄດ້ເປັນພາລະຂອງສັງຄົມ, ເຂົາເຈົ້າສາມາດມີສ່ວນຮ່ວມຊ່ວຍເຫຼືອສັງຄົມໄດ້ຄືກັບຄົນອຶ່ນໆ.
ໄລຍະດຳເນີນໂຄງການເດືອນ3 ປີ2018 ຫາ ເດືອນ2 ປີ2019
ສະໜັບສະໜູນ: ອົງການວອຍ (VOICE).
ໃນການເຮັດກິດຈະກຳຂອງສະມາຄົມຫູໜວກແມ່ນໄດ້ເຮັດເພື່ອສ້າງຄວາມເຂັ້ມແຂງໃຫ້ແກ່ສະມາຊິກຫູໜວກໄວໜຸ່ມຢູ່ໃນລາວ ເພື່ອໃຫ້ເຂົາເຈົ້າສາມາດສື່ສານ ແລະ ເຂົ້າເຖິງຂໍ້ມູນຂ່າວສານຕ່າງໆໄດ້ຄືກັບຄົນທົ່ວໄປຢູ່ໃນສັງຄົມ ແລະ ເປົ້າໝາຍຂອງເຮົາແທ້ໆແມ່ນຢາກພັດທະນາໃຫ້ຄົນຫູໜວກມີຄວາມຮູ້ຄວາມສາມາດ, ມີຊີວິດການເປັນຢູ່ທີ່ດີ, ມີວຽກເຮັດງານທຳ ບໍ່ໃຫ້ເປັນພາລະຂອງສັງຄົມ, ໃຫ້ເຂົາເຈົ້າສາມາດຊ່ວຍເຫຼືອຕົນເອງໄດ້ ແລະ ຊ່ວຍເຫຼືອເຊິ່ງກັນ ແລະ ກັນລວມເຖິງຄົນອ້ອມຂ້າງ ແລ້ວຍັງເປັນການຊ່ວຍເຫຼືອສັງຄົມນຳອີກ ຖ້າພົບກັບບັນຫາຕ່າງໆ ເຂົາເຈົ້າກໍ່ຈະສາມາດແກ້ໄຂບັນຫາດ້ວຍຕົນເອງໄດ້. ໃນເມືອຄົນພິການມີຄວາມຮູ້ຄວາມສາມາດແລ້ວ ສາມາດຊ່ວຍເຫຼືອຕົນເອງໄດ້ ແລະ ສື່ສານກັບຄົນອຶ່ນໆໄດ້ອັນນີ້ມັນແມ່ນຜົນປະໂຫຍດ ຫຼື ວ່າຜົນໄດ້ຮັບອັນຢິ່ງໃຫຍ່ສຳລັບໂຄງການສ້າງຄວາມເຂັ້ມແຂງໃຫ້ແກ່ສະມາຊິກຫູໜວກໄວໜຸ່ມລາວ.
ກິດຈະກຳທີ່ນຳມາຈັດຕັ້ງປະຕິບັດມີ:
ໃນການເຮັດກິດຈະກຳຜົນສຳເລັດທີ່ໄດ້ຮັບແມ່ນເຖິງວ່າຈະບໍ່ໄດ້ຮັບຜົນສຳເລັດເຕັມຮ້ອຍ ແຕ່ ກໍ່ຖືວ່າເປັນໜ້າທີ່ພໍໃຈສົມຄວນຕາມທີ່ເຮົາຕີລາຄາໄດ້ສະມາຊິກບາງຈຳນວນເຊິ່ງບໍ່ເຄີຍເຂົ້າໂຮງຮຽນມາກ່ອນ ແລະ ໃນເວລາຈັດຝຶກອົບຮົມພາສາມືພຽງ ແຕ່ 5 ວັນ ບາງຄົນກໍ່ສາມາດເຂົ້າໃຈ ແລະ ມີການພັດທະນາດີຂຶ້ນ ແລະ ກໍ່ພະຍາຍາມຄົ້ນຄ້ວາສຶກສາຮຽນຮູ້ນຳປຶ້ມຄູ່ມືພາສາມືທີ່ບາງໂຄງການແຈກຢາຍໃຫ້ ເວລາຢູ່ບ້ານ ຫຼື ໃນເວລາຫວ່າງ. ສ່ວນຄົນທີ່ເຂົາເຈົ້າເຄີຍເຂົ້າໂຮງຮຽນມາກ່ອນແລ້ວ ການສື່ສານແມ່ນບໍ່ມີບັນຫາ, ສາມາດສື່ສານ ແລະ ນຳໃຊ້ພາສາມືໄດ້ດີ. ພາຍຫຼັງທີ່ເຮົາຈັດຝຶກອົບຮົມພາສາມືໃຫ້ ໄດ້ຊ່ວຍເພີ່ມຄວາມຮູ້ຄວາມສາມາດໃນດ້ານການສື່ສານໃຫ້ເຂົາເຈົ້ານຳອີກ ແລະ ພວກເຮົາຍັງສາມາດສ້າງສະມາຊິກຄົນຫູໜວກຢູ່ແຂວງສະຫວັນນະເຂດໄດ້ຈຳນວນ 3 ຄົນເພື່ອຊ່ວຍເຫຼືອ ແລະ ຮັບຜິດຊອບກຸ່ມສະມາຊິກຄົນຫູໜວກ ພ້ອມທັງຊ່ວຍປະສານງານຊອກເອົາສະມາຊິກມາເຂົ້າຮ່ວມກິດຈະກຳຕ່າງໆ.
