ເຖິງແມ້ນວ່າກຸ່ມຄົນຫຼາກຫຼາຍທາງເພດແມ່ນມີຢູ່ໃນສັງຄົມມາຕັ້ງແຕ່ດົນນານ ແຕ່ໃດມາແລ້ວກໍ່ຕາມ ແຕ່ທາງພາກລັດ ແລະສັງງຄົມໂດຍລວມທົ່ວໄປ ແມ່ນຍັງຂາດຄວາມເຂົ້າໃຈຢ່າງກະຈ່າງແຈ້ງຕໍ່ກຸ່ມດັ່ງກ່າວແລະກຸ່ມດັ່ງກ່າວຍັງບໍ່ໄດ້ຖືກກ່າວເຖິ່ງ ແລະ ຮັບຮູ້ ຢ່າງເປັນທາງການ ພ້ອມນັ້ນປັນຫາແລະຄວາມຕ້ອງການສະເພາະເຈາະຈົງຂອງເຂົາເຈົ້າກໍ່ຍັງບໍ່ທັນຖືກຍົກເປັນປະເດັນຂື້ນມາແລະນໍາມາລຸບຸໃນແຜນລະດັບມະຫາພາກເພື່ອແກ້ໄຂທີ່ຈິງຈັງຢ່າງເປັນທາງການທີ່ກວ້າງຂວາງເທື່ອ. ກຸ່ມຄົນເຫຼົ່ານີ້ແມ່ນໄດ້ຖືກລືມໄປ ຖ້າເວົ້າໂດຍລວມແລ້ວ. ໃນຄວາມເປັນຈິງແລ້ວ ການເປັນກຸ່ມຄົນຫລາກຫຼາກທາງເພດແມ່ນພົບກັບບັນຫາຫຼາກຫຫຼາຍໃນຊິວິດ ໂດຍສະເພາະແມ່ນ 3 ບັນຫາຫຼັກທີ່ເປັນຂົງເຂດບຸລິມາສິດຄື: ໂອກາດໃນການເຮັດວຽກງານແບບເທົ່າທຽມ, ຄວາມສ່ຽງໃນບັນຫາສຸຂະພາບ ໂດຍສະເພາະທາງເພດແລະຈະເລີນພັນ, ແລະ ການຖືກເລືອກປະຕິບັດໃນສະຖານທີ່ການສຶກສາ. ບັນຫາເຫຼົ່ານີ້, ເປັນຜົນກະທົບອັນຍິ່ງໄຫຍ່ຕໍ່ກັບຊິວິດຂອງເຂົາເຈົ້າເຊີ່ງພົບຄວາມຫຍຸ້ງຍາກໃນການທໍໍາມາຫາກິນ ແລະ ການຢູ່ຮ່ວມກັບສັງຄົມທີ່ມີຂໍ້ຈຳກັດ. ນອກຈາກປັນຫາຫຼັກເຫຼົ່ານີ້ ຫຼາຍຄົນແມ່ນປະສົບພົບພໍ້ການຈໍາແນກລັງກຽດໃນສະຖາບັນຕ່າງໆ ເຊັ່ນສະຖາບັນຄອບຄົວ ແລະໃນສັງຄົມໂດຍລວມທົ່ວໄປ. ເພື່ອຈະນໍາປັນຫາເຫຼົ່ານີ້ໄປສູ່ຂະບວນການແກ້ໃຂໂດຍເລີ່ມຕອນນີ້ແລະສືບຕໍ່ໄປໃນອານາຄົດ, ເຮົາຕ້ອງໄດ້ມີການເຜີຍແຜ່ຂໍ້ມູນພື້ນຖານເຫຼົ່ານີ້ໃຫ້ສັງຄົມໂດຍລວມ ແລະ ໜ່ວຍງານທາງພາກລັດແລະເອກະຊົນ ລວມທັງອົງການເພື່ອສັງຄົມ ໃຫ້ໄດ້ຮັບຮູ້ສາກ່ອນ ເພື່ອເປັນແນວທາງໃຫ້ເຂົາເຈົ້າໄດ້ມີການວາງແຜນແກ້ໃຂຮ່ວມກັນ.
ກຸ່ມພູມໃຈທີ່ເປັນເຮົາໄດ້ສ້າງຕັ້ງຂຶ້ນໃນປີ 2012 ເພື່ອສະໜັບສະໜູນໃຫ້ກຸ່ມຊາວໜຸ່ມຫຼາກຫຼາຍໃຫ້ມີຊີວິດທີ່ດີຢູ່ໃນ ສ ປ ປ ລາວ. ການເຮັດວຽກໃນເບື້ອງຕົ້ນແມ່ນໄດ້ຍົກເອົາບັນຫາຄວາມສຳຄັນຂອງການເຮັດວຽກຕໍ່ຕ້ານພະຍາດເອດໃນກຸ່ມສ່ຽງໂດຍສະເພາະແມ່ນການສ້າງຈິດໄຕ້ສຳນຶກໃຫ້ແກ່ບັນດາຜູ້ສ້າງນະໂຍບາຍໃຫ້ເຫັນຄວາມສຳຄັນໃນການຕໍ່ຕ້ານພະຍາດເອດໃນກຸ່ມຄົນຫຼາກຫຼາຍທາງເພດ.
ແຕ່ວ່າຈຸດປະສົງຂອງພວກເຮົາ ແລະ ກິດຈະກຳແມ່ນໄດ້ເປີດກວ້າງເພື່ອແນ່ໃສ່ການຊ່ວຍເຫຼືອກຸ່ມຊາວໜຸ່ມຫຼາກຫຼາຍ, ລວມທັງທັດສະນະຄະຕິຂອງສັງຄົມ ແລະ ສະໜັບສະໜູນໃຫ້ສັງຄົມບໍ່ໃຫ້ມີການແບ່ງແຍກລັງກຽດແລະໃຊ້ຄວາມຮຸນແຮງ ໂດຍຜ່ານວຽກງານການຂໍການສະໜັບສະໜູນດ້ານນະໂຍບາຍ.
ບັນດາກິດຈະກໍາທີ່ໄດ້ເຮັດຜ່ານມາມີດັ່ງນີ້:
ແມ່ນຈັດຕັ້ງຂື້ນໃນປີ 2012 ໂດຍໄດ້ຮັບການສະໜັບສະໜູນສະຖານທູດອາເມລິກາ ແມ່ນຍົກປະເດັ່ນຄວາມສໍາຄັນຂອງວຽກງານຕໍ່ຕ້ານໂລກເອດໃນກຸ່ມສ່ຽງ ແລະ ສ້າງຈິດໃຕ້ສໍານຶກໃຫ້ແກ່ສ້າງແຜນຍຸດທະສາດໃນວຽກງານຕໍໍ່ຕ້ານໂລກເຊື້ອເອດໄອວີ ໃຫ້ແທດເໝາະກັບກຸ່ມຫຼາກຫຼາຍທາງເພດ
ເປັນລະຄອນເຫງົາທີ່ສະທ້ອນສັງຄົມເລື່ອງແລກຂອງກຸ່ມພູມໃຈທີ່ເປັນເຮົາ ເພື່ອໃຫ້ສັງຄົມໄດ້ຕະໜັກເຖິງຊິວິດຂອງຜູ້ຍິງຂ້າມເພດທີ່ໄດ້ພົບພໍ້ບັນຫາຫຼາກຫຼາຍໃນການສະແດງອອກໃນການເພດຂອງເຂົາເຈົ້່າ.
ການສື່ໃຫ້ສັງຄົມໄດ້ຊືມຊັບ ແລະ ເຂົ້າໃຈເຖີງບັນຫາຂອງນາງຄຳໂດຍ ແຍກອອກເປັນຊ່ວງ ໆ ເຫດການຊິວິດຂອງລາວ ເພື່ອໃຫ້ສັງຄົມໄດ້ຕະໜັກຮູ້ແຕ່ລະເຫດການທີ່ນາງຄຳໄດ້ປະສົບຄື: ເຫດ ການທີ່ຄອບຄົວບໍ່ຍອມຮັບຄວາມເປັນເພດເປັນແບບໃດ, ການສະຖານທີ່ການສຶກສາມີການແບ່ງແຍກຄືແນວໃດ, ການສະໝັກງານແມ່ນມີການສະແດງອອກແນວໃດ. ເຫດການຕ່າງ ໆ ດັ່ງກ່າວ ເຮັດໃຫ້ລາວໄດ້ຕົກຢູ່ໃນຊ່ວງມໍລະຊຸ່ມຊິວິດ ຈຶ່ງເຮັດໃຫ້ນາງຄໍາກັບກາຍມາເປັນຜູ້ໃຫ້ບໍລິການທາງເພດໂດຍບໍ່ເຕັມໃຈ ໂດຍການຊັກຊວນຈາກສັງຄົມາທີ່ບໍ່ດີ ເຫດຊໍາກໍາຊັດເຮັດໃຫ້ລາວຕິດເຊື້ອເອດໄອວີ ເພາະບາງຄັ້ງລາວບໍ່ໄດ້ໃສ່ຢ່າງອານາໄມເພາະລູກຄ້າບາງຄົນແມ່ນບໍຢາກໃສ່. ສິ່ງດັ່ງກ່າວໄດ້ເຮັດສັງຄົມສະທ້ອນລາວໃນແງ່ລົບຕ່າງໆນາໆ ການຕິດເຊື້ອເອດໄອວີ ເປັນເລື່ອງທີ່ສັງຄົມບາງບ່ອນຍັງຂາດເຂົ້າໃຈ ສະນັ້ນຈຶ່ງເຮັດໃຫ້ຜູ້ເປັນພໍ່ຂອງລາວບໍ່ເຂົ້າໃຈ ແລະ ທຸບຕີລາວ ຍ້ອນໂຊກດີທີ່ມີໜ່ວຍງານອາສາສະໝັກປ້ອງກັນໄດ້ເຂົ້າມາໃຫ້ຂໍ້ມູນກ່ຽວກັບພະຍາດເອດແກ່ຄອບຄົວຂອງລາວ ເພື່ອເຮັດໃຫ້ຄອບຄົວຂອງນາງຄໍາຍອມຮັບ ແລະ ເຂົ້າໃຈໃນການຢູ່ກັບຜູ້ຕິດເຊື້ອ.
ເຖິງແນວໃດກໍ່ຕາມລະຄອນເງົາຂອງນາງຄຳທີ່ໄດ້ຍົກມາຂ້າງເທີ່ງນັ້ນແມ່ນຢາກສະທ້ອນສັງຄົມໄດ້ເປີດໃຈ ແລະ ຮ່ວມກັນແກ້ໄຂບັນຫາຕ່າງໆທີ່ເກີດຂື້ນໃນການເປັນເພດທີ່ຫຼາກຫຼາຍ ເພື່ອສົ່ງເສີມໃຫ້ກຸ່ມຄົນຫຼາກຫຼາກທາງເພດໄດ້ມີໂອກາດເທົ່າທຽມກັບເພດອື່ນໆ ໃນ 3 ຂົງເຂດບຸລິມາສິດຄື: ໂອກາດໃນການເຮັດວຽກງານແບບເທົ່າທຽມ, ຄວາມສ່ຽງໃນບັນຫາສຸຂະພາບທາງເພດ, ແລະ ການຖືກເລືອກປະຕິບັດໃນສະຖານທີ່ການສຶກສາ.
ເປັນລະຄອນເງົາສະທ້ອນສັງຄົມໃຫ້ຕະໜັກຮູ້ເຖິງຊິວິດການເພດຫຼາກຫຼາຍຂອງທອມ ຫຼື ຜູ້ຍິງທີ່ມີເພດສໍາພັນກັບແມ່ຍິງ ໃນ 3 ຂົງເຂດບຸລິມາສິດຄື: ໂອກາດໃນການເຮັດວຽກງານແບບເທົ່າທຽມ, ຄວາມສ່ຽງໃນບັນຫາສຸຂະພາບທາງເພດ, ແລະ ການຖືກເລືອກປະຕິບັດໃນສະຖານທີ່ການສຶກສາ.
ເປັນວິດີໂອຊິວິດຂອງຜູ້ຍິງຂ້າມເພດທີ່ເປັນຄົນພິການຂາ ສື່ສານໃຫ້ສັງຄົມໄດ້ຮັບຮູ້ເຖິງບົດບາດຂອງຜູ້ຍິງຂ້າມເພດທີ່ພິການຂາ ແລະ ເປັນປະວັດຕິສາດອັນຍິ່ງໄຫ່ຍທີ່ເຟດບຸກຂອງປະທ່ານປະເທດ ທ່ານທອງລຸນ ສີສຸລິດ ໄດ້ໂພດລົງເພດຂອງເພີ່ນ ນັ້ນກໍ່ເປັນສຳເລັດອັນຍິ່ງໄຫຍ່ ແລະ ເປັນຂວັນກຳລັງໃຈໃຫ້ທີ່ມງານພູມໃຈທີ່ເປັນໄດ້ສູ້ສົນວຽກງານຂໍການສະໜັບສະໜູນຕໍ່ໆໄປ.
2015 ເປັນປີທຳອິດທີ່ກຸ່ມພູມໃຈທີ່ເປັນເຮົາໄດ້ຈັດຕັ້ງວັນIDAHOTຂື້ນ ໂດຍໄດ້ຮັບການສະໜັບສະໜູນຈາກ ສະຫະພາບເອີລົບ ເພື່ອສະເຫຼີມສະຫຼອງວັນສາກົນຕໍ່ຕ້ານການຈຳແຍກ ແລະ ລັງກຽດກຸ່ມຄົນຫຼາກຫຼາຍທາງເພດຢູ່ໃນ ສ. ປ. ປ. ລາວ ແລະ ໄດ້ອອກໂທລະພາບລາວ. 2016 ສະຫະພາບເອີລົບຍັງສືບຕໍ່ເປັນຄູ່ງານດັ່ງກວ່າກັບກຸ່ມພູມໃຈທີ່ເປັນເຮົາຈັດງານ IDAHOTຂື້ນ ໂດຍໄດ້ມີຄູ່ຮ່ວມງານທາງການທູດ ແລະ ສະມາຄົມພົນລະເຮືອນຫຼາຍຂື້ນ . 2017 ສະຖານທູດອອດສະເຕເລຍ ແລະ ສະຖານທູດແຂນນາດາໄດ້ເຂົ້າຮ່ວມ ແລະ ນໍາພາຂະນະບັນດາຄູ່ຮ່ວມງານໃນການຈັດງານນີ້ຂື້ນ ຮ່ວມກັບ ກຸ່ມພູມໃຈທີ່ເປັນເຮົາ ໄດ້ຈັດຂື້ນຢູ່ສະໂມສອນອອດສະຕາລີ, ສະຖານທູດອອດສະເຕເລຍ ແລະ ທ່ານອຸປະທູດຂອງສະຖານທູດແຂນນາດາໄດ້ກ່າວເປີດງານທີ່ມີຄວາມໝາຍສຳຄັນນີ້ ແລະ ປະທານ ກຸ່ມພູມໃຈທີ່ເປັນເຮົາໄດ້ກ່າວຈຸດປະສົ່ງຂອງການສ້າງຕັ້ງກຸ່ມພູມໃຈທີ່ເປັນເຮົາໂດຍຜ່ານການປາໃສເທີງເວທີ. 2018 ແມ່ນມີ 4 ສະຖານທູດເຂົ້າຮ່ວມງານນີ້້ເພີ່ມເຊັ່ນ: ສະຖານທູດຝຣັ່ງ, ສະຖານທູດລຸກຊໍາບວກ, ສະວິດສະແລນ, ແລະ ສະຖານທູດເຢຍລະມັນ. ສະຖານທູດຂອງອອດສະເຕຍເລຍໄດ້ລາຍສົດຜ່ານສື່ທາງເຟດບຸກເພດຂອງສະຖານທູດອອດສະເຕເລຍເພື່ອສົນທະນາຄວາມຫຼາກຫຼາຍທາງເພດຢູ່ໃນລາວເປັນຄັ້ງທໍາອິດ ແລະ ໃນຕອນກາງຄືນ ສະຖານທູດອາເມລິການກໍ່ໄດ້ຈັດງານພົບປະກັບຄູ່ຮ່ວມງານເພື່ອສົນທະນາບັນຫາດັ່ງກວ່າຢູ່ທີ່ສູນຂໍ້ມູນຂ່າວສານທາດດຳ ແລະ ໃນປີດຽວກັນ ປະທ່ານກຸ່ມພູມໃຈທີ່ເປັນເຮົາໄດ້ຮັບການເຊື້ອເຊີນຈາກເຈົ້າຂອງນະຄອນຫຼວງປາຣີແຫ່ງຝຼັ່ງເຂົ້າຮ່ວມງານ IDAHOT ທີ່ຫ້ອງການວ່າການນະຄອນຫຼວງປາຣີ.
ກຸ່ມພູມໃຈທີ່ເປັນເຮົາໄດ້ປະສົບຜົນສຳເລັດໃນການຍົກເອົາກຸ່ມຊາວໝູ່ມຫຼາກຫຼາຍ ແລະ ຮັບຮອງເອົາ,ໃນນັ້ນໂດຍສະເພາະແມ່ນປະສົບຜົນສຳເລັດໃນການເປັນກະບອກສຽງໃຫ້ຊຸມຊົນເຊັ່ນໃນງານ ວັນຢຸດຕິການຈຳແນກລັງກຽດການໃຊ້ຄວາມຮຸນແຮງສາກົນ . ຄັ້ງທຳອິດງານນີ້ໄດ້ຈັດຂຶ້ນໃນປີ 2012 ແລະ ພວກເຮົາໄດ້ມີງານນີ້ຕັ້ງແຕ່ນັ້ນມາ, ກິດຈະກຳນີ້ໄດ້ລວບລວມການສະໜັບສະໜູນຈາກປະເທດລາວ ແລະ ເຄື່ອຄ່າຍທາງສະກົນ, ລວມທັງ ສະຫະພາບເອີລົບ, ສະຖານທູດອາເມລິກາ, ສະຖານທູດອົດຕາລີ,ສະຖານທູດການາດາ ແລະ ສະຖານທູດອັງກິດ.
ການຮັບຮອງໃນກຸ່ມຄົນຫຼາກຫຼາຍແມ່ນສະແດງໃຫ້ເຫັນເຊັ່ນດຽວກັບສີ່ງທີ່ເຂົາເປັນ ແລະ ເຊື່ອວ່າທຸກໆຄົນຄວນພູມໃຈກ່ຽວກັບຕົວຕົນກັບສິ່ງທີ່ພວກເຮົາເຮັດ,ບໍ່ວ່າຈະເປັນການສະແດງທາງເພດ, ລັກສະນະທາງເພດ, ຊົນເຜົ່າ, ຄວາມສາມາດ,ຮູບຮ່າງລັກສະນະອື່ນໆ. ພວກເຮົາຮັບຮູ້ວ່າການສ້າງສັງຄົມທີ່ມີສ່ວນຮ່ວມກັນໃນການປະສົມປະສານເພື່ອບັນລຸເປົ້າໝາຍການພັດທະນານີ້ພຽງແຕ່ສາມາດບັນລຸໄດ້ຖ້າຫາກວ່າປະຊາຊົນບໍ່ໄດ້ຮັບການກະທຳຜິດ ແລະ ການຈຳແນກ.
ມີການຮັບຮູ້ກ່ຽວກັບກຸ່ມຫຼາກຫຼາຍທາງເພດແລະບັນຫາໂດຍລວມຂອງເຂົາເຈົ້າຫຼາຍຂື້ນ ຈາກພາກສ່ວນຕ່າງໆ ເຊັ່ນ ກຸ່ມຄົນຫຼາກຫຼາຍທາງເພດເອງ, ຄອບຄົວ, ໝູ່ເພື່ອນ ແລະພັນທະມິດຂອງກຸ່ມຄົນຫຼາກຫຼາຍທາງເພດ, ບາງອົງການຈັດຕັ້ງທາງພາກລັດແລະເອກະຊົນ, ອົງການຈັດຕັ້ງທາງສັງຄົມທັງພາຍໃນແລະຕ່າງປະເທດ, ບັນດາສະຖານທູດ ແລະອົງການຈັດຕັ້ງສາກົນອື່ນໆທີ່ກ່ຽວຂ້ອງ. ຜົນໄດ້ຮັບດັ່ງກ່າວແມ່ນໄດ້ສະແດງໃຫ້ເຫັນຈາກການສັງເກດການບາງອັນທີ່ພົ້ນເດັ່ນດັ່ງຕໍ່ໄປນີ້:
ເວົ້າໂດຍລວມແລ້ວແມ່ນເຮົາມີເຄືອຂ່າຍຂອງກຸ່ມຄົນຫຼາກຫຼາຍເພີ່ມຂື້ນເປັນປະຫວັດການ ແລະ ຄາດວ່າການສະໜັບສະໜູນຈະເພີ່ມຂື້ນເລື້ອຍໆ
