ໃນປະຈຸບັນສະພາບການດໍາລົງຊີວິດໃນແຕ່ລະຄອບຄົວ ຜົວເມຍແມ່ນມັກຜິດຖຽງກັນ, ບໍ່ໃຫ້ກຽດກັນ ບໍ່ຮູ້ວິທີການວາງແຜນໃນອະນາຄົດ ເຮັດຫຍັງບໍ່ມີເປົ້າໝາຍ ຄອບຄົວມີບັນຫາເນື່ອງຈາກວ່າ ບໍ່ມີຄວາມຮູ້ດ້ານໃດ ແລະ ຈະເປັນບັນຫາໃຫຍ່ທີ່ສຸດຖ້າບໍ່ມີການແກ້ໄຂໃນແຕ່ເລີ່ມຕົ້ນ ສະນັ້ນ ສະມາຄົມ ເພື່ອພັດທະນາແມ່ຍິງ ແລະ ການສຶກສາກົດໝາຍ ຈຶ່ງໄດ້ເລັ່ງໃສ່ ແລະ ເຫັນເຖິງບັນຫາອີກດ້ານໜຶ່ງຂອງປະເທດໃນການພັດທະນາບຸກຄະລາກອນດ້ານສະຕິປັນຍາ ເພື່ອຫຼີກລ້ຽງບັນຫາຄວາມບໍ່ສະຫງົບໃນຄອບຄົວ ແລະ ປະເທດຊາດເອງ
ແລກປ່ຽນຖອດຖອນບົດຮຽນກັບຄູ່ຜົວເມຍ
ຝຶກອົບຮົມ ບົດບາດຍິງຊາຍ, ສົນທິສັນຍາຊີດໍ, ກົດໝາຍທີ່ກ່ຽວພັນກັບແມ່ຍິງ
ການເຂົ້າເຖິງລະບົບຍຸຕິທໍາຂອງແມ່ຍິງໂດຍການໃຫ້ຄໍາປຶກສາບັນຫາຕ່າງໆສ້າງກຸ່ມຍິງ, ກຸ່ມຊາຍ ແລະ ຄູ່ຜົວເມຍແບບຢ່າງເພື່ອເຜີຍແຜ່ວຽກງານສູ່ສັງຄົມ
ຈາກການຝຶກອົບຮົມຫຼາຍຫົວຂໍ້ ສັງເກດເຫັນວ່າ ມີຫຼາຍຄອບຄົວ ພື້ນທີ່ຊຸມຊົນມີການປ່ຽນແປງ ການດໍາລົງຊີວິດມີຄວາມສະຫງົບສຸກຄອບຄົວປອງດອງການ ຮູ້ຈັກການວາງແຜນອະນາຄົດ. ກໍລະນີສຶກສາ ຄູ່ຜົວເມຍໃໝ່ບ້ານເປົ້າໝາຍຂອງຊຸມຊົນ ໄດ້ເວົ້າວ່າ ຈາກການຮຽນຮູ້ບົດຮຽນຂອງໂຄງການໄດ້ນໍາເອົາບົດຮຽນ ໄປນໍາໃຊ້ມນການດໍາລົງຊີວິດ, ການທໍາມາຫາກິນ ວາງແຜນເພື່ອອະນາຄົດ, ຮູ້ສິດທິຂອງຕົນເອງຫຼາຍຂຶ້ນ ເມື່ອກ່ອນບໍ່ຮູ້ຈັກຫຍັງ ຄອບຄົວມັກຜິດຖຽງກັນ ຜົວມັກດື່ມຂອງມືນເມົາກັບບ້ານໃຊ້ຄວາມຮຸນແຮງກັບຄອບຄົວ ແຕ່ຕອນນີ້ມີການປ່ຽນແປງ ຮູ້ຈັກທໍາມາຫາກິນ ຮັກຄອບຄົວ ຄອບຄົວມີຄວາມອົບອຸ່ນຫຼາຍຂຶ້ນ. ຖ້າຊຸມຊົນເຮົາທຸກຂົງເຂດໄດ້ຮຽນຮູ້ເລື່ອງບົດຮຽນຊຸມຊົນນັ້ນກໍຈະປາສະຈາກຄວາມບໍ່ສະຫງົບສຸກ.
ປະສານງານ ແລະ ຮ່ວມມືກັບຊຸມຊົນ
ສ້າງຕົວແບບທີ່ດີເພື່ອນໍາໄປເປັນແບບຢ່າງໃຫ້ສັຝຄົມໄດ້ເຫັນ
ຄວາມລຶງເຄີຍກັບກຸ່ມເປົ້າໝາຍ ເນື່ອງຈາກວ່າພວກເຮົາບໍ່ມີພະນັກງານພາກສະໜາມທີ່ອາໃສຢູ່ກັບຊຸມຊົນເຮັດໃຫ້ການເຂົ້າເຖິງຈິດໃຈທີ່ແທ້ຈິງຂອງກຸ່ມເປົ້າໝາຍຍັງບໍ່ໄດ້ເທົ່າທີ່ຄວນ ແລະ ຫຼາຍຄົນຍັງບໍ່ທັນຮູ້ຊື່ຂອງໂຄງການທີ່ພວກເຮົາຈັດຕັ້ງປະຕິບັດຢູ່ນັ້ນແມ່ນຫຍັງ
ກຸ່ມເປົ້າໝາຍສ່ວນໃຫຍ່ແມ່ນເຮັດວຽກຕາມໂຮງງານ ການທີ່ຈະລວມຕົວຂອງກຸ່ມແມ່ນຕ້ອງໄດ້ອີງຕາມມື້ພັກ ວັນທິດ ແລະ ວັນສິນ ເທົ່ານັ້ນ ຖ້າຈັດໃນມື້ທີ່ກຸ່ມເປົ້າໝາຍເຮັດວຽກ ພວກເຂົາຕ້ອງຖືກນາຍທຶນຕັດເງິນຂອງມື້ເຮັດວຽກນັ້ນ ສະນັ້ນ ເວລາທີ່ມີກອງປະຊຸມຈຶ່ງເຂົ້າຮ່ວມບໍ່ໄດ້ເຕັມເມັດເຕັມໜ່ວຍ
ສໍາລັບຜູ້ທີ່ຈະເຮັດໂຄງການກັບຊຸມຊົນ ຄວນເບິ່ງເວລາຂອງຜູ້ເຂົ້າຮ່ວມ ພວກເຂົາເຈົ້າມີຄວາມສະດວກ ແລະ ສາມາດເຂົ້າຮ່ວມໃນເວລາໃດ
ການປະສານາງານຄວນປະສານງານກ່ອນກອງປະຊຸມຈະເລິ່ມ 1ອາທິດ ແລະ ມີການຕິດຕາມຜູ້ຈະເຂົ້າຮ່ວມກ່ອນຮອດມື້
